SALNÉS

A Mancomunidade do Salnés ten preparado xa o proxecto para a reforma do que será o futuro Centro Loxístico Multiservizos. Trátase dunha infraestrutura estratéxica para a comarca que aglutinará distintos servizos mancomunados, como o parque de maquinaria ou espazos formativos. A transformación desta nave, situada no polígono de Sete Pías, está orzamentada en 600.000 euros. O organismo comarcal acaba de conseguir unha axuda da Xunta pola metade dese importe.

As confrarías da ría de Arousa piden a declaración de zona catastrófica ante a elevada mortaldade que está a sufrir o marisco. Os pósitos alertan da situación extrema na que se atopa o sector. Mesmo que esta crise mesmo pode levar ao peche de algunhas das confrarías da ría, á perda dos permex ou ao abandono da actividade marisqueira. Piden medidas estruturais, como a regulación do baleirado dos encoros ou un plan para a rexeneración. Ademais, demandan axudas directas a confrarías e a mariscadores. Tenden a man á administración central e galega na procura de solucións que salven o sector.

O BNG levou xa ao Parlamento Galego as súas propostas para paliar a crise da mortaldade do marisco na ría de Arousa. Ademais de axudas inmediatas para o sector, os nacionalistas piden medidas estruturais. Entre elas, estudos que determinen as causas da perda da produtividade, como o cambio climático ou a contaminación; e unha norma que regule o baleirado dos encoros. Este luns, os nacionalistas mantiveron unha xuntanza con representantes da confraría de Carril.

A consellería do Mar intensifica a mostraxes técnicas nos bancos marisqueiros afectados polos temporais. Dende o departamento autonómico explican que o obxectivo é recompilar a información suficiente para tomar decisións xustificadas co sector do mar. Hoxe a conselleira, Marta Villaverde, supervisou os traballos que se están a levar a cabo na zona do Grove.

Máis de 120 árbitros de Primeira e Segunda División están concentrados en Sanxenxo. Os colexiados están a formarse no concello, asistindo a diferentes actividades e probas do Comité Nacional de Árbitros. Pero tamén teñen tempo para coñecer a contorna: hoxe visitaron o Pazo de Quintáns, que acolle o Centro Gastronómico Rías Baixas. Fixérono en compañía, entre outros, do alcalde Telmo Martín e do presidente da Federación Española de Fútbol, Rafael Louzán.

Meis, Ribadumia e a Acción contra a Fame van da man para coñecer as necesidades reais de contratación en sectores clave na zona como o vitivinícola e o agroforestal. Este venres organizaron un encontro con representantes de adegas, comunidades de montes e empresas agroforestais. Un encontro que se enmarca dentro das Escolas Inclusivas de Emprego destes dous municipios e a ONG e que permitirá adapatar as futuras formacións ás demandas dos sectores.

O PSOE amosa a súa preocupación pola alta mortaldade do marisco nas rías galegas. Os socialistas presentaron xa varias propostas no Parlamento de Galicia para a rexeneración dos bancos marisqueiros. Pídenlle tamén á Xunta que habilite axudas 'especiais e complementarias' para que o sector poida facerlle fronte a unha situación que consideran catastrófica. Este venres mantiveron un encontro na Illa de Arousa con representantes da confraría e da OPP20.

O ensino será o eixo condutor da programación do 8M en Ribadumia. O  concello deseñou unha programación arredor do Día da Muller que se vai prolongar durante un mes. Vai arrancar este mesmo venres cun encontro de mestras en activo e xubiladas para compartir as súas experiencias arredor da educación en igualdade antes e agora.

A Policía Nacional desenvolveu nas últimas horas un operativo que se está a levar directamente dende Madrid. O dispositivo tivo lugar na zona de Sisán, onde o home tiña alugada unha vivenda.

Vilagarcía anima á veciñanza a alimentar un comelixo. O concello pon en marcha unha nova campaña para fomentar a separación de residuos. Salientan que na cidade cada vez se recicla máis e mellor, pero que cómpre seguir dando pasos. Destacan a importancia de separar o lixo para evitar que os custes suban, porque -lembran- as novas normas penalizan todo o lixo que chega mesturado a Sogama.