Ribadumia

Máis de 400 participantes daranse cita na sétima edición da Mini BTT Concello de Ribadumia. As probas van ter lugar este vindeiro domingo no no campo de fútbol de Leiro. Alí vanse desenvolver as distintas probas, de diferentes categorías, de rapazada de entre 4 e 14 anos. Na presentación da proba, salientaron que o evento vai mellorando, gañando cada vez máis peso no calendario deportivo da zona.

O ribadumiense Luis Serantes, novo director xeral da Mutualidad de Futbolistas. Despois de nove anos traballando para esta entidade, a xunta directiva decidiu poñelo á fronte para liderar esta nova etapa. O seu principal aval para este nomeamento foi precisamente o seu coñecemento sobre o funcionamento da organización.

Ribadumia desconta os días para acoller a fase final da Arousa Fútbol 7. A cita culminará a súa vixésimo oitava edición entre o 30 de maio e o 1 de xuño, reunindo con campo de fútbol da Senra a algunhas das promesas deste deporte a nivel mundial. O Fútbol Club Barcelona pelexará por defender o título ante clubs de primeira liña nacional e internacional, como o alemán Stuttgart ou o Tottenham inglés.

Un ano máis a Ribadumia acollerá unha andaina pola Festa do Tinto. A actividade vaise celebrar o domingo 8 de xuño. Ten un carácter solidario, por segundo ano a beneficio de TDAH Salnés. O ano pasado participaron 200 persoas, cifra que agardan superar. Na edición anterior recadaron uns 500 euros.

aso adiante na legalización do Tinto de Barrantes. A Xunta completou o trámite de solucitude formal para a incrición da folla redonda como variedade comercial. A Consellería do Medio Rural entregou xa o material vexetal requirido para que desde o Ministerio de Agricultura, Pesca e Alimentación se inicien os ensaios oficiais concluíntes para o seu correspondente rexistro. O proceso podería rematar no 2027.

Hoxe anunciáronse obras importantes para dous centros educativos do Salnés. En Cambados, hoxe sae a licitación a ampliación do San Tomé por preto dun millón de euros. A intervención inclúe a recuperación dun espazo do faiado no que se albergarán dúas novas aulas, unha biblioteca con sala de radio e dúas aulas de desdobre.En Ribadumia, entra tanto, adxudicouse este venres a substitución das cubertas do Julia Becerra Malvar, para a que se destinarán 240.000 euros.

rrancan os 'Almorzos saudables' en Sanxenxo. O alumnado de 6º de primaria do colexio Julia Becerra Malvar de Ribadumia foi o primeiro grupo en participar nesta iniciativa impulsada polo Obradoiro de Hostalería do Salnés. O obxectivo é que a rapazada vaia tomando conciencia da importancia de adquirir bos hábitos alimenticios, comezando polo almorzo, que é a comida máis importante do día.

En Ribadumia xa teñen os fogóns acendidos para a terceira edición do Concurso de Tapas da Festa do Tinto. A cita vai ser na fin de semana do 16 ao 18 de maio. Nesta edición participan sete establecementos, con propostas do máis variado. Todas elas teñen algo en común: o uso do viño tinto como un dos ingredientes imprescindibles das tapas. A clientela que valore todos os petiscos entrará logo nun sorteo de entradas para o xantar do día grande da festa.

Nova xornada de folga en toda Galicia das traballadoras das residencias. No Salnés, convocadas pola CIG, organizaron concentracións diante das resistencias ServiSenior e Divina Pastora, en Vilagarcía. Despois levaron as súas reivindicacións ao centro de DomusVi en Ribadumia. Reclaman un novo convenio, con melloras nas súas condicións e un incremento salarial. Esta é a terceira das catro xornadas de folga que teñen convocadas.

Xa está aquí a quinta edición da Romaría da Música de Ribadumia. O evento vaise celebrar este domingo na carballeira da localidade. Na cita deste ano van participar a banda Xironsa, Os Firrás do Grove e a banda Unión Musical de Allariz. A programación complétase con multitude de propostas gastronómicas e actividades para a rapazada.